Elimizde 62 trln m³ gaz bary boljanǵan — «QazaqGaz» basshysy qytaılyq kompanııalardy ınvestor bolýǵa shaqyrdy

ASTANA. KAZINFORM — Elimizde 62 trln m³ gaz resýrsy bar dep boljanǵan jáne gaz basseınderiniń tek úshten biri zerttelgen. Bul týraly UK» AQ basqarma tóraǵasy Sanjar Járkeshov aıtty.

— Qazaqstanda shamamen 4 trln m³ óndirýge daıyn gaz qory bar, sondaı-aq shamamen 62 trln m³ gaz resýrsy bar dep boljanǵan. Qazaqstan aýmaǵyndaǵy 15 shógindi basseınniń tek úshten biri ǵana zerttelgen. Orasan zor áleýet áli de ashylǵan joq, — dedi ol Power Central Asia + China alǵashqy óńirlik energetıkalyq forýmynda sóılegen sózinde.

Sondaı-aq «QazaqGaz» basshysy qytaılyq kompanııalardy Qazaqstan jerindegi ken oryndaryn ıgerýge shaqyrdy.

— Qazirgi ýaqytta Kaspıı teńiziniń qaırańynda da, qurlyqta da ashylǵan birqatar gaz ken oryndary bar. Olar áli kúnge deıin ıgerilmegen jáne óz ýaqyty men ınvestoryn kútip jatyr. Osyǵan baılanysty biz qytaılyq jáne Ortalyq Azııa kompanııalaryn bul jobalarǵa ınvestıtsııa salyp, birlesip jumys isteýge shaqyramyz. Bul jobalar Qazaqstannyń ishki naryǵyna da, kórshiles elderge de gaz jetkizýdi qamtamasyz etýge múmkindik beredi, — dedi Sanjar Járkeshov.

Odan bólek, spıker Qazaqstanda alǵashqy munaı 125 jyl buryn alynǵanyn jáne elimizdiń transulttyq kompanııalarmen jumys isteýde sanjyldyq tájirıbesi bar ekenin atap ótti.

Aıta keteıik, buǵan deıin Energetıka mınıstri Erlan Aqkenjenov Power Central Asia + China alǵashqy óńirlik energetıkalyq forýmy aıasynda qandaı qandaı kommertsııalyq qujattarǵa qol qoıylatynyn aıtty.