Elimizde 60 onkolog-radıolog maman jetispeıdi
ASTANA. KAZINFORM – Elimizde 60 onkolog-radıolog maman jetispeıdi. Bul týraly Qazaq onkologııa jáne radıologııa ǵylymı-zertteý ınstıtýtynyń basqarma tóraǵasy Erbol Bekmuhambetov aıtty.
- Qazirgi ýaqytta onkologııalyq ortalyqtarda 60 onkolog-rodıolog mamandary jetispeıdi. Ol úshin mınıstrlikpen, ýnıversıtettermen birlesip jumys istep jatyrmyz, - dedi Ortalyq kommýnıkatsııalar qyzmetindegi brıfıngte.
Instıtýt basshysynyń aıtýynsha, búginde patomorfologııalyq, ımmýnogıstohımııalyq jáne molekýlalyq-genetıkalyq zerthanalar búkil el kóleminde joq. Mysaly, molekýlalyq-genetıkalyq zertteýler tek 5 qalada júrgiziledi. Sondyqtan zertteýlerdiń qoljetimdiligin arttyrý maqsatynda jol kartasy ázirlendi. Ol:
- barlyq óńirlik onkologııalyq ortalyqtardy qajetti zerthanalyq jabdyqtarmen kezeń-kezeńmen jabdyqtaýdy;
- kadrlar daıarlaýdy;
- túrik mamandarmen birlesip, halyqaralyq tájirıbeni qoldana otyryp, telepatologııa júıesin engizýdi kózdeıdi.
- Bul zertteýler dıagnostıkada ǵana emes, sonymen qatar emdeý taktıkasyn anyqtaýda jáne isiktiń maqsatty jáne ımmýndy-onkologııalyq preparatqa sezimtaldyǵyn anyqtaýda qajet, - dedi Erbol Bekmuhambetov.
Aıta keteıik, elimizde jyl saıyn elimizde 41 myńnan astam adamǵa onkologııalyq aýrýlar dıagnozy qoıylady.