Elimizde 5 temirjol vokzalynda jóndeý jumystary aıaqtaldy
ASTANA. KAZINFORM — Qazaqstanda Ekibastuz, Pavlodar, Shymkent, Qyzylorda jáne Túrkistan qalalaryndaǵy temirjol vokzaldaryn jóndeý jumystary máresine jetti.
Qazaqstan Prezıdenti Qasym-Jomart Toqaevtyń «Ádiletti Qazaqstannyń ekonomıkalyq baǵdary» atty halyqqa Joldaýynda berilgen tapsyrmalardy oryndaý maqsatynda Úkimet avıatsııa jáne temirjol salalaryndaǵy ınfraqurylymdy jańǵyrtý boıynsha júıeli jumystar júrgizýde.
QR Kólik mınıstrliginiń málimetinshe, 2024 jyly Qyzylorda men Túrkistandaǵy vokzaldardy jóndeý aıaqtalǵan. Sondaı-aq byltyr Shymkent pen Pavlodar vokzaldary jańartyldy. 2025 jylǵy 28 aqpanda Ekibastuz vokzalyn rekonstrýktsııalaý aıaqtaldy.
Rekonstrýktsııalaýdyń negizgi parametrleri:
Pavlodar vokzaly
➤ Ótkizý múmkindigi táýligine 3,5 myńnan 4,5 myń adamǵa deıin ulǵaıtyldy.
➤ Aýmaǵy 4900-den 5400 sharshy metrge deıin keńeıtildi.
Shymkent vokzaly
➤ Ótkizý múmkindigi táýligine 2 myńnan 6 myń adamǵa deıin úsh ese artty.
➤ Aýmaǵy 1770-den 2250 sharshy metrge deıin keńeıtildi.
Ekibastuz vokzaly
➤ Ótkizý múmkindigi táýligine 1,5 myńnan 2,5 myń adamǵa deıin ulǵaıtyldy.
➤ Aýmaǵy 2395-den 2505 sharshy metrge deıin keńeıtildi.
Aıta keteıik, vokzaldardy rekonstrýktsııalaý jolaýshylardyń jaǵdaıyn edáýir jaqsartýǵa jáne sapardyń jaılylyǵyn arttyrýǵa múmkindik berdi.
Buǵan deıin habarlanǵandaı, Qazaqstannyń 5 myń shaqyrymǵa jýyq temirjoly jańǵyrtylady.