Elimizde 4237 sheteldik zańsyz taksı qyzmetin atqarǵan

ALMATY. KAZINFORM – Naýryzbaı aýdanynyń prokýratýrasy elimiz boıynsha 400-den astam taksoparkti anyqtady, onda 4 237 sheteldik jergilikti atqarýshy organdardyń ruqsatynsyz qyzmetin zańsyz júzege asyrǵan.

Eńbek qatynastary taraptarynyń quqyqtary men múddelerin qorǵaý maqsatynda zań shyǵarýshy kóshi-qon zańnamasyn buzǵan jumys berýshi men sheteldikterdiń jaýaptylyǵyn kózdegen.

Qazirgi ýaqytta Kóshi-qon qyzmeti komıteti prokýratýranyń qadaǵalaý aktisin qaraýda, onda elde zańsyz qyzmetti júzege asyrǵan taksoparkterge de, sheteldikterge de qatysty tıisti sharalar qabyldaý týraly másele qoıylǵan.

- Búgingi kúni elimiz boıynsha ÁQBtK-niń 517-babymen 346 sheteldik-taksıst (Almaty - 136) jáne ÁQBtK-niń 519-babymen 148 adam (Almaty - 29) sheteldik jumys kúshin tartqany úshin (taksoparkter) ákimshilik jaýaptylyqqa tartyldy, 112 qabyldaý-taratý ornyna (Almaty - 81) qamaldy, respýblıkadan 156 sheteldik shyǵaryldy (Almaty - 79), dep jazdy Almaty qalasynyń prokýratýrasynan.

Bul jumys jalǵasýda jáne erekshe baqylaýda.

Aıta keteıik, buǵan deıin Shymkentte taksıge mingen eki adam tabylmaı jatqanyn jazǵanbyz.