Elimizde 4 myńǵa jýyq lıftini aýystyrý qajat

Elimiz boıynsha 4 myńǵa jýyq lıftini aýystyryp, 2,5 myńǵa jýyǵyn kúrdeli jóndeý qajet. Bul jaıynda Senat depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy Kazinform. 

«Azamattyq qorǵaý týraly» zańǵa sáıkes lıftter qaýipti tehnıkalyq qurylǵylar retinde anyqtalǵan. «Turǵyn úı qatynastary týraly» zańnyń normalaryna sáıkes turǵyn úı ınspektorlary lıftterdiń durys jumys isteýine jaýapty. Atap aıtqanda, olar kóppáterli úılerdiń lıftterine turaqty tehnıkalyq tekserý júrgizedi, jóndeý jumystaryn júrgizý kestesin jasaıdy, kúrdeli jóndeý júrgizý boıynsha tıisti qujattardy kelisedi. Kez kelgen aqaýlarǵa ýaqytyly den qoıady», - delingen Úkimet basshysynyń jaýabynda.

Onyń atap ótýinshe, lıft qoryn jańǵyrtýǵa qatysty osy baǵytta jumys Turǵyn úı-kommýnaldyq ınfraqurylymdy damytý tujyrymdamasy aıasynda júrgizilip jatyr. Ol úshin jyl saıyn bıýdjettik kredıtter kózdelgen.

«Búgingi tańda turǵyn úı qorynda 34 myńǵa jýyq lıft bar. Onyń ishinde 4 myńǵa jýyq birlik aýystyrylýǵa jatady jáne shamamen 2,5 myń birlikke kúrdeli jóndeý qajet. Osy jyly lıftilerdi satyp alýǵa jáne jóndeýge 13,8 mlrd teńgege bıýdjettik ótinim daıyndalyp jatyr. Osylaısha, lıftterdi jańartý boıynsha odan ári jumys tujyrymdamanyń is-sharalar josparyna sáıkes jalǵasady», - dedi Álıhan Smaıylov.