Elimizde 4 esirtki zerthanasy joıyldy
ASTANA. KAZINFORM – Polıtsııa qyzmetkerleri bir aptanyń ishinde 144 kelige jýyq ár túrli esirtki zattaryn tárkilegen.
«Tosqaýyl» operatsııasy kezinde 4 esirtki zerthanasy joıyldy. Polıtseıler 13 kg «mefedron» sıntetıkalyq preparatyn, sondaı-aq olardy óndirýge arnalǵan reaktorlar men túrli jabdyqtardy tárkiledi. Zańsyz aınalymnan 144 kelige jýyq ár túrli esirtki zattaryn tapty. Onyń ishinde 30 kg sıntetıka, 110 kg marıhýana, 3 kg gashısh jáne 800 gramm tramadol bar», - dedi Іshki ister mınıstrligi Esirtkige qarsy is-qımyl departamenti bastyǵynyń orynbasary Baqytjan Ámirhanov vedomstvoda ótken brıfıngide.
Sondaı-aq, spıker esirtkimen kúres jumystary jalǵasyp jatqanyn aıtty.
«Esirtkige qarsy is-sharalarǵa ishki ister organdary men Ulttyq ulannyń jeke quramy, ákimdikterdiń qyzmetkerleri, densaýlyq saqtaý jáne bilim berý salasynyń ókilderi, jastar saıasatynyń jetekshileri, úkimettik emes sektor jáne eriktiler jumyldyryldy», - deıdi ol.
Aıta keteıik, Іshki ister mınıstrligi 5-9 aqpan aralyǵynda el ishinde «Tosqaýyl» jedel-profılaktıkalyq is-sharasy ótkizdi.
