Elimizde 36 mln tonna mal azyǵy daıyndaldy

ASTANA. KAZINFORM — 2025–2026 jyldardaǵy qysqy maýsymǵa daıyndyq aıasynda aýyl sharýashylyǵy janýarlaryna arnalǵan mal azyǵyn daıyndaý jumystary belsendi jalǵasyp jatyr.

Jergilikti atqarýshy organdardyń málimetinshe, 24,9 mln tonna shóp (jospardyń 101,5%-y), 1,9 mln tonna pishendeme (112,5%), 3,2 mln tonna quramajem (56,8%), 2 mln tonna saban (97,0%), 4,1 mln tonna súrlem (88,6%) daıyndaldy.

Aýyl sharýashylyǵy mınıstrligi málimetinshe, belsendi jumys Soltústik Qazaqstan oblysynda (125%), Abaı, Aqmola, Aqtóbe, Jambyl, Almaty, Qostanaı, Shyǵys Qazaqstan oblystarynda jáne Shymkent qalasynda (100%) jospar oryndalǵany baıqalady.

Daıyndalǵan mal azyǵynyń kórsetilgen kólemderi janýarlardy tolyqqandy azyqtandyrýǵa, josparly ónim men tól alýǵa, sondaı-aq mal basynyń saqtalýyn qamtamasyz etýge múmkindik beredi.

Jalpy respýblıkadaǵy mal azyǵymen qamtamasyz etý jaǵdaıy turaqty.

Aıta keteıik, Aqmola oblysynda mal azyǵyna arnalǵan proteın óndiretin zaýyt ashyldy.