Elimizde 33 mln tonna mal azyǵy daıyndaldy

ASTANA. KAZINFORM — Qysqy maýsymǵa daıyndyq aıasynda mal azyǵyn daıyndaý jumystary jalǵasyp keledi. Qazir elimizde 33 mln tonna mal azyǵy daıyndaldy, dep habarlaıdy QR Aýyl sharýashylyǵy mınıstrligi.

Jergilikti atqarýshy organdardyń málimetinshe, 24,3 mln tonna shóp (jospardyń 99,4%-y), 1,8 mln tonna pishendeme (108,1%), 2 mln tonna quramajem (37,3%), 1,6 mln tonna saban (81,1%), 3 mln-nan astam tonna súrlem (65,5%) daıyndaldy.

Belsendi jumys Soltústik Qazaqstan oblysynda, Abaı, Aqmola, Aqtóbe, Jambyl, Almaty, Qostanaı, Shyǵys Qazaqstan oblystarynda jáne Shymkent qalasynda, sondaı-aq Jetisý oblysynda jospar oryndalǵany baıqalady.

Daıyndalǵan mal azyǵynyń kórsetilgen kólemderi janýarlardy tolyqqandy azyqtandyrýǵa, josparly ónim men tól alýǵa, sondaı-aq mal basynyń saqtalýyn qamtamasyz etýge múmkindik beredi.

Jalpy respýblıkadaǵy mal azyǵymen qamtamasyz etý jaǵdaıy turaqty.

Buǵan deıin mal azyǵyna erte qamdanǵan óńirler týraly jazǵanbyz.