Elimizde 314 myń balaǵa qosymsha bilim alý boıynsha vaýcher berildi

ASTANA. KAZINFORM — Memleket basshysynyń tapsyrmasy boıynsha 2025 jyldan bastap Qazaqstanda qosymsha bilim berý uıymdaryna vaýcherlik qarjylandyrý júıesi kezeń-kezeńimen engizilip jatyr. 

Oqý-aǵartý mınıstrliginiń málimetinshe birińǵaı memlekettik tapsyrysty ornalastyrýdyń pılottyq jobasy Astana, Aqtóbe, Atyraý, Qaraǵandy, Qyzylorda jáne Shymkent qalalarynda júzege asyrylyp jatyr. Jobanyń maqsaty — oqýshylardy shyǵarmashylyq, sporttyq jáne bilim berý baǵytyndaǵy tegin úıirmeler men sektsııalarmen keńinen qamtý.

— Búgingi kúni 300 myńnan astam bala qosymsha bilimge vaýcher aldy. Ata-analar óz balalary úshin úıirmeler men sektsııalarǵa ózderi tańdaıdy. Qajet bolǵan jaǵdaıda olar qujattardy qaıta tapsyrmaı-aq, úıirmeni ózgerte alady. Bul rette vaýcher saqtalady, — dep atap ótti Tárbıe jáne qosymsha bilim berý departamenti basqarmasynyń basshysy Altaı Rahımberlın.

Qarjylandyrý «bir balaǵa — bir vaýcher» qaǵıdaty boıynsha beriledi. Mundaı tetik barlyq oqýshylar úshin teń múmkindik jasap, ashyqtyqty qamtamasyz etedi jáne bıýdjet qarajatyn maqsatsyz paıdalanýǵa jol bermeıdi.

Aıta ketý kerek, bul joba Mádenıet jáne aqparat, Týrızm jáne sport, Oqý-aǵartý, sondaı-aq Jasandy ıntellekt jáne tsıfrlyq damý mınıstrlikterimen birlesip júzege asyrylýda. 

Aıta ketelik Almatyda balalarǵa arnalǵan tegin úıirmelerge jazylý júrip jatqany týraly jazǵan edik.