Elimizde 3 mıllıonnan astam balany qosymsha bilimmen qamtý josparlanyp otyr
ASTANA. KAZINFORM – Bıyl shyǵarmashylyq úıirmeler men sport sektsııalarymen elimizde 3 mıllıonnan astam oqýshy qamtylady dep josparlanǵan. Bul týraly QR Oqý-aǵartý mınıstrliginiń baspasóz qyzmeti habarlady.
«Búginde oqýshylardyń 81,1%-y qosymsha bilimmen qamtylǵan. Biz qosymsha bilim alý kezinde barlyq balaǵa teń múmkindik berýge tyrysamyz. Bıyl qamtýdy 86,3% - ǵa deıin arttyrý josparlanyp otyr», - dep atap ótti Tárbıe jumysy jáne qosymsha bilim berý departamentiniń dırektory Merýert Medetbekova.
Aıta keteıik, balalardy qosymsha bilimmen neǵurlym kóbirek qamtý úshin Memleket basshysynyń tapsyrmasy boıynsha bıyl Astana, Almaty, Shymkent qalalarynda, sondaı-aq Mańǵystaý, Qostanaı jáne Pavlodar oblystarynda 6 Oqýshylar saraıyn ashý josparda bar.
