Elimizde 3 kúnde temperatýra +10°S-tan +28°S-qa deıin ózgeredi

ASTANA. KAZINFORM – Qazaqstanda aldaǵy úsh kúnde aýa raıy aıtarlyqtaı ózgeristerge ushyraıdy. Aldymen eldiń keı aımaqtarynda aıaz jáne qar jaýýy boljanyp otyr, keıin aýa temperatýrasy birtindep kóteriledi. Keı óńirlerde aýa temperatýrasy jazǵy kezeńge tán +28°S-qa deıin jetedi. Bul týraly 2026 jylǵy 18-20 sáýirge arnalǵan aýa raıy boljamynda «Qazgıdromet» RMK habarlady.

Boljam boıynsha, Skandınavııa antıtsıklonynyń jotasy elimizdiń soltústik, shyǵys jáne ortalyq aımaqtarynda jaýyn-shashynsyz, biraq salystyrmaly túrde salqyn aýa raıyn saqtaıdy. Aýa massalarynyń ózgerýine baılanysty temperatýra birtindep joǵarylaıdy.

Eldiń batysy men ońtústiginde aýa raıy turaqsyz bolady, jańbyr men naızaǵaı kútiledi. Ońtústik óńirlerdiń taýly aımaqtarynda jańbyr men qar jaýýy yqtımal, sonymen qatar jel kúsheıedi. Respýblıka boıynsha túngi jáne tańerteńgi ýaqytta tuman túsýi múmkin.

Kúndizgi aýa temperatýrasy óńirler boıynsha kelesideı bolady:

– Batys, soltústik jáne ortalyq aımaqtarda – +15…+23°S,

– Shyǵys óńirinde – +10…+18°S,

–Ońtústik jáne ońtústik-shyǵys aımaqtarynda – +17…+28°S.

Osyǵan deıin sınoptıkter 17 sáýirde elimizdiń birqatar aımaǵynda qolaısyz aýa raıy bolatynyn eskertken edi.