Elimizde 23 myńnan astam pedagog tárbıe baǵdarlamasy aıasynda kásibı daıyndyqtan ótti

ASTANA. KAZINFORM – Memleket basshysynyń tapsyrmasyna sáıkes, «Adal azamat» birtutas tárbıe baǵdarlamasy bıylǵy oqý jylynan bastap menshik túrine qaramastan, barlyq bilim berý uıymdaryna engizildi, dep habarlaıdy Oqý-aǵartý mınıstrligi.

Qazirgi tańda elimizdegi memlekettik mekteptermen qatar, 700-den astam jekemenshik mektepte de tárbıe jumysy tolyqtaı osy baǵdarlama aıasynda iske asyrylýda. Baǵdarlama óskeleń urpaqqa jalpyadamzattyq qundylyqtardy sińire otyryp, bilimdi, eńbekqor, básekege qabiletti, adal azamat qalyptastyrýǵa baǵyttalǵan.

Qazaqstandyq bilim berý uıymdarynda tárbıeniń birtutas ekojúıesin qalyptastyrý maqsatynda mınıstrliktiń uıymdastyrýymen pedagogter úshin semınar-trenıgter uıymdastyrylýda. «Adal azamat» bastamasy boıynsha 23 myńnan astam pedagog kásibı daıyndyqtan ótti. Bul is-shara mektepterdi ádistemelik qoldaý, jobanyń mánin túsindirý jáne óńirlerde tájirıbe almasýdy qamtamasyz etýge baǵyttalǵan.

Sonymen qatar, pedagogter praktıkalyq keıs-sessııalar men trenıngter arqyly naqty is-qımyl algorıtmderin jasap, jumys josparlaryn ázirledi. Bul tájirıbe ustazdardyń tek teorııamen shektelmeı, naqty qadamdar arqyly tárbıe jumysyn tıimdi uıymdastyrýdy meńgerýine baǵyttaldy.

Aıta keteıik, «Adal azamat» baǵdarlamasy ata-analardyń belsendiligin eki esege arttyrdy.