Elimizde 20,9 mln gektarǵa aýyl sharýashylyǵy daqyly egildi
ASTANA.KAZINFORM - Óńirlerde kóktemgi dala jumystary jalǵasyp jatyr.Oblys ákimdikteriniń jedel derekterine sáıkes, búginde aýyl sharýashylyǵy daqyldary 20,9 mln gektar alqapqa egildi.
Atap aıtqanda, dándi daqyldar 15 mln gektar alqapqa, maıly daqyldar 4,2 mln gektarǵa, mal azyqtyq daqyldar 1,2 mln gektarǵa ornalastyryldy. Sonymen qatar maqta 164,3 myń gektarǵa, kartop 128,4 myń gektarǵa, kókónis daqyldary 122,1 myń gektarǵa, baqsha daqyldary 83,9 myń gektarǵa, qant qyzylshasy 22 myń gektarǵa egildi.
Aýyl sharýashylyǵy mınıstrligi málimetinshe, egis naýqany elimizdiń negizgi astyq egetin óńirlerinde qarqyndy júrgizilip jatyr. Atap aıtqanda, Aqmola oblysynda 5,3 mln gektar, Qostanaı oblysynda 5 mln gektar, Soltústik Qazaqstan oblysynda 4,1 mln gektar alqapqa egin egildi.
Egis naýqanyna 133,9 myńnan astam traktor, shamamen 5,6 myń joǵary ónimdi egis kesheni, 71,4 myń sepkish jáne 188,5 myń topyraq óńdeý tehnıkasy jumyldyrylǵan. Aýyl sharýashylyǵy taýaryn óndirýshilerge úzdiksiz tehnıkalyq qoldaýdy 70 servıstik ortalyq qamtamasyz etip jatyr.
Egis jumystaryn erte qarjylandyrýǵa 4800-den astam fermer qol jetkizgenin jazǵan edik.
