Elimizde 200 myńnan astam azamat jumyspen qamtyldy
ASTANA. KAZINFORM – Bıyl 1 maýsymdaǵy jaǵdaı boıynsha elimizde 200,4 myń azamat turaqty jumyspen qamtyldy. Onyń 75 myńy – jastar bolsa, 81 myńy – áıelder.
Eńbek jáne halyqty áleýmettik qorǵaý mınıstrligi málimetinshe, memlekettik qoldaý sharalary elimizdiń barlyq óńirinde júzege asyrylyp, azamattardyń turaqty tabys tabýyna jáne eńbek naryǵyndaǵy belsendiligin arttyrýǵa yqpal etip otyr.
Sonymen qatar elimizde jańa jumys oryndaryn qurý baǵytyndaǵy jumystar qarqyndy júrip jatyr. 2026 jyly ulttyq jobalar, tujyrymdamalar jáne óńirlerdi damytý josparlary aıasynda 40,4 myń jumys ornyn ashý kózdelgen.
Bıyl 1 maýsymdaǵy derek boıynsha onyń 8 myńǵa jýyǵy iske asyrylyp úlgerdi.
Ata keteıik, Senattyń jalpy otyrysynda 2025 jylǵy respýblıkalyq bıýdjettiń atqarylýy boıynsha Úkimetiniń jáne Joǵary aýdıtorlyq palatanyń esebi tyńdaldy. Osy oraıda senator Amangeldi Esbaı áleýmettik saladaǵy qarajattyń ıgerilýine qatysty jasalǵan taldaýdy jarııalady.
