Elimizde 200 myńǵa jýyq adam ózine qumar oıyn oınaýǵa tyıym saldy
ASTANA. KAZINFORM — Qazaqstanda 200 myńǵa jýyq adam qumar oıyndaryna óz erkimen tyıym salýǵa qol qoıdy, dep habarlaıdy Jibek Joly.
Týrızm jáne sport mınıstrliginiń málimetinshe, ótinimderdiń 98 paıyzy eGov Mobile qyzmeti arqyly onlaın, qalǵany jazbasha túrde berilgen.
Qazaqstandyqtardyń oıynǵa táýeldilik qaýpin azaıtý úshin byltyr elimizde biregeı «toqtatý túımesi» iske qosyldy. Qyzmet 21 jastan asqan azamattarǵa qoljetimdi jáne shekteýler alty aıdan 10 jylǵa deıingi merzimge belgilenedi.
Ótinishti qaıtaryp alý múmkin emes, biraq óz-ózine tyıym salý ýaqytyn uzartýǵa bolady.
Týrızm jáne sport mınıstrligi 2024 jyldyń 18 naýryzynan bastap qumar oıyndarǵa ózdiginen tyıym salýdyń onlaın qyzmetin engizý jobasyn júzege asyryp keledi.
Eske salaıyq, buǵan deıin 600 mlrd teńgelik zańsyz qumar oıyn shemasy boıynsha toǵyz adam qamaýǵa alynǵany týraly jazǵan bolatynbyz.