Elimizde 1991 jyldan bastap berilgen JOO dıplomdary elektrondy bazaǵa engizilip jatyr
ASTANA. KAZINFORM - Ǵylym jáne joǵary bilim mınıstri Saıasat Nurbek elimizdegi jalǵan dıplomdardy anyqtaýdyń tetigi iske qosylyp jatqanyn aıtty.
«Jalǵan dıplom jasaý – qylmystyq áreket. Dıplom men qujattardyń jalǵan ekenin bile tura satyp alǵandar da jaýapqa tartylady. Qazir Іshki ister mınıstrligimen jáne basqa da quqyq qorǵaý organdarymen birlese tıisti josparymyzdy bekittik. Jarnama taraıtyn túrli platformalarda jalǵan qujattardyń satylymyn anyqtaýǵa reıd júrip jatyr. Atap aıtqanda, zań buzǵandardy jazalaý kerek», - dedi S. Nurbek Parlament Májilisinde tilshiler suraǵyna jaýap bere otyryp.
Onyń aıtýynsha, 1991 jyldan bastap berilgen dıplomdar týraly málimetter jınaqtalyp jatyr.
«Arnaıy platformada 1991 jyldan bastap berilgen búkil dıplomdy engizip jatyrmyz. Bul jumystar 2018 jyldan bastalǵan edi. Osy ýaqyt aralyǵynda 3,5 mln dıplom bazada bar. Endi kez kelgen jumys berýshi arnaıy tsıfrlyq qyzmet arqyly teksere alady. Ár dıplomnyń jeke nómiri men QR-kody bekitiledi. Bul turǵyda jalǵan dıplomdy anyqtaý múmkin bolady», - dedi mınıstr.
