Elimizde 1,9 myń shaqyrym sý qubyry jańartylady
ASTANA. KAZINFORM — Tozǵan sý qubyrlaryn jańǵyrtý maqsatynda 105 joba iske asyrylady. Bul jóninde Úkimet otyrysynda QR Ónerkásip jáne qurylys mınıstri Ersaıyn Naǵaspaev málimdedi.
Onyń sózinshe, búginde sýmen jabdyqtaý jáne sý burý salasy — kommýnaldyq sharýashylyqtyń eń ózekti máselesiniń biri.
— Injenerlik jelilerdiń tozýy, jıi bolatyn apattar, qýattyń jetkiliksizdigi jáne eskirgen tehnologııalar kommýnaldyq qyzmetterdiń sapasyna kesirin tıgizip otyr. Qazirgi tańda Ulttyq jobanyń platformasynda jalpy quny shamamen 330 mıllıard teńgege 105 joba ornalastyrylǵan. Onyń ishindegi 20 jobanyń qurylys jumystary bastaldy, 58 joba iske asyrýǵa daıyn, 2 jobanyń tarıfti bekitý rásimi aıaqtalyp qaldy, taǵy 25 joba qaralyp jatyr. Sonymen qatar, jalpy sıpattaǵy transfertter aıasynda 209 mıllıard teńgege 516 jobany qarjylandyrý kózdelgen, — dedi mınıstr.
Ersaıyn Naǵaspaevtyń aıtýynsha, osy jobalardy iske asyrý nátıjesinde shamamen 1,9 myń shaqyrym sýmen jabdyqtaý jáne sý burý jelileri jańǵyrtylyp, olardyń tozý deńgeıi 43%-ǵa tómendeıdi.
Aıta keteıik, buǵan deıin Túrkistan oblysynda bıyl qansha eldi mekenniń sý qubyry jańartylatynyn jazǵanbyz.
