Elimizde 188 myń adam asyraýshysynan aırylýyna baılanysty kómek alyp otyr
ASTANA. KAZINFORM – Elimizde 188 myń adam asyraýshysynan aırylýyna baılanysty memleketten kómek alyp otyr. Bul jaıynda Eńbek jáne halyqty áleýmettik qorǵaý mınıstrligi Kazinform saýalyna joldaǵan jaýabynda aıtylǵan.
«2024 jyly 4 mıllıonnan astam adam jalpy somasy 5,4 trln teńge kóleminde áleýmettik tólem alady», - delingen mınıstrliktiń málimetinde.
Bul tólemderdiń sanaty mynandaı:
1) Zeınetaqy tólemderin (yntymaqty zeınetaqy tólemderi, memlekettik bazalyq zeınetaqy tólemderi, BJZQ-da MZJ MKZJ saqtalýyna memlekettik kepildikter) 2,4 mln adam;
2) Múgedektigi boıynsha memlekettik bazalyq járdemaqy – 547,1 myń adam;
3) Asyraýshysynan aıyrylý jaǵdaıy boıynsha memlekettik bazalyq járdemaqy – shamamen 188 myń adam;
4) Balaly otbasylarǵa memlekettik járdemaqylar (bala týýyna baılanysty, 1,5 jasqa deıingi bala kútimi boıynsha, múgedek balalardy tárbıelep otyrǵan ata-analarǵa, buryn «Batyr ana» ataǵyn alǵan jáne «Ana dańqy» ordenimen marapattalǵan, «Altyn alqa», «Kúmis alqa» alqalarymen marapattalǵan kóp balaly analarǵa) - 1,5 mln adam;
5) Arnaýly memlekettik járdemaqylar (UOS kezeńinde alǵan jaralanýy, kontýzııasy, mertigýi nemese aýrýy saldarynan múgedek adamdarǵa, UOS qatysýshylary jáne olarǵa teńestirilgen adamdar, UOS-da qaza tapqan jaýyngerlerdiń jesirleri, Keńes Odaǵynyń, Sotsıalıstik Eńbek Batyrlary, úsh dárejeli Dańq ordenderiniń kavalerleri, múgedektigi bar adamdar men balalar jáne t. b.) 220,4 myń alýshy;
6) Basqa tólemder (birjolǵy aqshalaı ótemaqylar, memlekettik arnaıy járdemaqylar) – 297,9 myń adam.
Sondaı-aq, jalpy sıpattaǵy transfertter esebinen 841,2 myń adamǵa bir jyldyń ishinde 75,9 mlrd teńge kóleminde ataýly áleýmettik kómek tólenedi.
