Elimizde 17 myń shaqyrymnan astam elektr jelisi jańartylady

ASTANA. KAZINFORM — Energetıka mınıstrligi bıyl eldegi ınfraqurylymnyń tozý deńgeıin 2 paıyz tómendetpekshi.

— 2026 jyly elektr stantsııalarynda 9 energııalyq blokty, 55 qazandyqty jáne 51 týrbınany jóndeý josparlanǵan. Sonymen birge 17,1 myń shaqyrym elektr jelisin, 444 qosalqy stantsııany jóndeý kózdelip otyr. 377 shaqyrym jylý jelisin jańalaý josparymyzda bar, — dedi Erlan Aqkenjenov.

Mınıstrdiń sózinshe, atalǵan jobalar energetıka ınfraqurylymynyń tozý deńgeıin 2% tómendetedi.

— Sondaı-aq, bul jylytý maýsymynyń turaqty ótýin qamtamasyz etýge múmkindik beredi, — dedi vedomstvo basshysy. 

Buǵan deıin, mınıstr Erlan Aqkenjenov Qarashyǵanaq gaz óńdeý zaýytynyń jobalyq qujattaryn ázirleý bastalǵanyn málim etken bolatyn.