Elimizde 17 myń bala úıden bilim alýǵa májbúr
ASTANA. KAZINFORM – Erekshe balalarmen jumys isteıtin muǵalimderge kómekshi laýazymdar ashýdyń arqasynda úıden bilim alatyn balalardyń úlesi 11 paıyz kemigen. Bul týraly Oqý-aǵartý mınıstri Juldyz Súleımenova Úkimet otyrysynda málim etti.
- «Qazaqstan balalary» biryńǵaı tujyrymdamasynyń aıasynda úıden oqıtyn balalardyń úlesin azaıtý qarastyrylǵan. Qazir 17 myń bala úı jaǵdaıynda bilim alady. Olardyń 83 paıyzy múgedektigi bar, erekshe jaǵdaıdy qajet etedi, - dedi vedomstvo basshysy.
Sondaı-aq, ol bilim berý uıymdarynyń shtattaryna pedagog-assıstentter men jeke kómekshi laýazymdary engizilgenin eske saldy.
- Osynyń nátıjesinde úıden oqıtyn balalar sany 11 paıyzǵa deıin tómendedi. ıAǵnı, 2 myńǵa jýyq bala mektepke kelýge múmkindik aldy, - dedi Juldyz Súleımenova.
Sondaı-aq, ol Oljas Bektenov jeke kompanııalardy muqtaj adamdardy qoldaýǵa shaqyrdy.