Elimizde 163-shi «Aýyl qutqarýshylary» erikti órt sóndirý pýnkti ashyldy
ASTANA.KAZINFORM – Soltústik Qazaqstan oblysy Ýálıhanov aýdany Aqbulaq aýylynyń erikti órt sóndirý pýnkti 800-ge jýyq adam turatyn aýyldyq okrýgtiń úsh eldi mekeniniń qaýipsizdigin qamtamasyz etedi.
Tótenshe jaǵdaılar mınıstrligi málimetinshe, atalǵan pýnkt elimizdiń shalǵaıdaǵy eldi mekenderinde órt qaýipsizdigin jaqsartýǵa baǵyttalǵan «Aýyl qutqarýshylary» vedomstvolyq baǵdarlamasy aıasynda ashyldy.
– Biz jergilikti atqarýshy organdarmen birlesip, oblysymyzdaǵy órtke qarsy qorǵaý júıesin odan ári nyǵaıtýdy jalǵastyramyz. Bul tótenshe jaǵdaılarǵa den qoıýdyń qaýipsizdigi men jedeldigin arttyrýǵa múmkindik beredi, - dep atap ótti ashylý rásimi barysynda SQO TJD bastyǵynyń orynbasary Dmıtrıı Rastıhın.
Pýnkt Aqbulaq aýyldyq okrýginiń bazasynda qurylyp, tolyqqandy jumys isteý úshin barlyq qajettilikpen qamtamasyz etilgen. Eriktilerdiń ıeliginde jyly garaj, avtonomdy sý júıesi, turmystyq úı-jaılar bar.
Pýnktte órt sóndirý avtotsısternasy, sondaı-aq órtti sóndirýge arnalǵan qural-jabdyqtar ornalastyrylǵan.
TJ departamenti jeke quramǵa jaýyngerlik kıim, nysandy kıim-keshek jáne baılanys quraldaryn tabys etti.
Aıta keteıik, TJM ınnovatsııalyq órt sóndirýshi robotty tanystyrǵan bolatyn.
Almatyda taýly aımaqtarǵa qyzmet kórsetetin jańa órt sóndirý bólimi ashyldy.
