Elimizde 15,9 mln tonna jemshóp daıyndaldy - AShM

Onyń ishinde 13,7 mln tonnasy – pishen, 1,2 mln tonnasy – pishendeme jáne 46,4 myń tonnasy – súrlem, dep habarlaıdy QR Aýyl sharýashylyǵy mınıstrliginiń bapasóz qyzmeti.

Baspasóz qyzmetiniń málimetterine qaraǵanda, jemshóp qoryn qalyptastyrý jumystary Aýyl sharýashylyǵy mınıstrligi men oblys ákimdikteri birlesip bekitken 2026–2027 jyldardaǵy maldy qystatýǵa daıyndyq jumystaryna sáıkes júrgizilip keledi.

-Josparǵa baılanysty 25,7 mln tonna pishen, 2,3 mln tonna pishendeme, 2,8 mln tonna súrlem, 4,8 mln tonna saban jáne 5,7 mln tonna qunarly jem daıyndaý kózdelgen. Jemshóp qoryn nyǵaıtýdaǵy mańyzdy baǵyttardyń biri – mal azyqtyq daqyldardyń egis alqaptaryn keńeıtý. Bıyl olardyń jalpy kólemi 3,32 mln gektardan asyp, ótken jylmen salystyrǵanda 243 myń gektarǵa ulǵaıdy. Sonymen qatar egistik jerlerdegi mal azyqtyq daqyldardyń úlesi 14%-ǵa deıin artty. Bul mal sharýashylyǵyn qajetti kólemdegi jemshóppen qamtamasyz etýge qosymsha múmkindik beredi,-delingen habarlamada.

Aýyl sharýashylyǵy mınıstrligi jemshóp daıyndaý naýqanynyń barysyna turaqty monıtorıng júrgizip keledi. Jedel shtab otyrystarynda jemshóp daıyndaý qarqyny, óńirlerdegi jumysty úılestirý, aýyl sharýashylyǵy taýaryn óndirýshilerdi qajetti resýrstarmen qamtamasyz etý jáne josparly kórsetkishterdiń oryndalýy turaqty túrde qaralyp keledi.

Mejeli is-sharalardy tolyq iske asyrý aldaǵy qysqy kezeńde mal sharýashylyǵy salasynyń jemshópke degen qajettiligin tolyq qamtamasyz etip, jetkilikti qor qalyptastyrady.

Osyǵan deıin elimizde tabıǵı mýltıaqýyzdyq shıkizat pen probıotıkter qosylǵan qurama jem ázirlenip jatqany týraly jazdyq.