Elimizde 15 qarashada qaı joldar ashyq, qaısysy jabyq

ALMATY. KAZINFORM — «QazAvtoJol» ulttyq kompanııasy el aýmaǵyndaǵy avtojoldardaǵy qazirgi ahýal týraly málimetti jarııalady. 

Елімізде 15 қарашада қай жолдар ашық, қайсысы жабық
Фото: «КазАвтоЖол»

Kompanııanyń málimetinshe, 2025 jylǵy 15 qarashada saǵat 08:00–de buǵan deıin aýa raıynyń nasharlaýyna baılanysty engizilgen ýaqytsha shekteýler alynyp, Batys Qazaqstan oblysynda qozǵalys tolyq ashyldy:

• «Atyraý-Oral» avtojoly, 372-492-shaqyrym, (Chapaı aýylynan Oral qalasyna deıin);
• «Aqtóbe — Oral — RF shekarasy (Syrym ó/p)» avtojoly, 195-246-shaqyrym, (RF shekarasy Syrym ó/p — Oral q. MAI beketi).

Al eki óńirde shekteýler áli de kúshinde.

Soltústik Qazaqstan oblysy

9 qarasha kúni saǵat 11:00–de qolaısyz aýa raıyna (jaýyn-shashyn, aýyr júk kólikteriniń kóptigi) baılanysty «Tımırıazevo — Sarykól — oblys shekarasy» avtojolynyń 0-30-shaqyrymynda, ıaǵnı Qostanaı oblysy shekarasy — Tımırıazevo aýyly ýchaskesinde barlyq avtokólik túri úshin qozǵalysqa shekteý engizildi.

Shyǵys Qazaqstan oblysy

5 qarashadan bastap tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı –Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde saqtalady.

Bul shara taýly jerde jol qaýipsizdigin qamtamasyz etý maqsatynda qabyldanyp, qys maýsymy aıaqtalǵanǵa deıin kúshinde bolady.

Aýa raıy

2025 jylǵy 15 qarashada Shyǵys Qazaqstan, Jambyl, Túrkistan, Qyzylorda, Mańǵystaý, Atyraý, Batys Qazaqstan, Aqtóbe, Aqmola, Ulytaý, Abaı, Qaraǵandy oblystarynda tuman túsedi.

Qostanaı, Soltústik Qazaqstan jáne Aqmola oblystarynda kóktaıǵaq, keı jerde boran soǵyp, sondaı-aq jeldiń ekpini sekýndyna 20-28 metrge deıin jetedi.

Eske salaıyq, 15 qarashada elimizdiń basym bóliginde tuman túsip, jel soǵatynyn habarlaǵanbyz.

Сейчас читают