Elimizde 14 aýrýdy emdeýge arnalǵan 22 jańa dári qosyldy
ASTANA. KAZINFORM — Qazaqstanda dárilik qamtamasyz etý tizbesi 22 zamanaýı preparatpen tolyqty. Olar 14 aýrýdy emdeýge arnalǵan.
2025 jyldan bastap Densaýlyq saqtaý mınıstrligi ambýlatorııalyq dárilik qamtamasyz etýdi jekelendirilgen josparlaý júıesin engizdi. Endi dári-dármekke degen qajettilik ár patsıenttiń jeke derekteri men dáriger taǵaıyndaǵan emge qaraı esepteledi.
Jańadan anyqtalǵan patsıentterdi dárimen qamtamasyz etý jáne emdeý barysyndaǵy úzilisterge jol bermeý úshin preparattardyń azaıtylmaıtyn qory da ulǵaıtyldy. Ol satyp alynatyn dárilerdiń jyldyq jalpy kóleminiń 35 paıyzyna deıin jetedi.
Sonymen qatar dárilik preparattardy óńirler men medıtsınalyq uıymdar arasynda jedel qaıta bólý tetigi qarastyrylǵan.
Jalpy, ambýlatorııalyq dárilik qamtamasyz etý aıasynda 76 aýrý boıynsha 2,1 mln patsıentke shamamen 245 mlrd teńgeniń dárisi beriledi.
Eske salaıyq, buǵan deıin «SQ-Farmatsııa» dıabetpen aýyratyn naýqastardyń tegin dári-dármek joqtyǵyna qatysty shaǵymyna jaýap bergen edi.