Elimizde 137 gıdrologııalyq beket salynady
ASTANA. KAZINFORM – Elimizde 137 gıdrologııalyq beket salynady. Bul týraly Ekologııa jáne tabıǵı resýrstar mınıstri Erlan Nysanbaev málim etti.
«Kóktemgi sý tasqynynyń saldaryn bárińiz bilesiz. Biz qazir Qazgıdromet RMK damytý týraly tujyrymdama ázirlep jatyrmyz. Bul jerde birinshi másele gıdrometeorologııalyq beketterge kelip tireledi. Qazir bizge 137 gıdrologııalyq beket kerek, onyń 42-si Sý resýrstary jáne ırrıgatsııa mınıstrliginiń baǵdarlamasy aıasynda salynady. Bul tasqyn kezinde sý aıdyndaryndaǵy onyń mólsherin ólshep, anyqtaýǵa múmkin beredi. Ashyq aıtý kerek búginde elimizde gıdrologııalyq beketter jetispeıdi», - dedi Erlan Nysanbaev Májilis otyrysynan keıin ótken baspasóz máslıhatynda.
Eske sala ketsek, aýa raıyn boljaý taqyrybynda «Qazgıdromet» mamanymen suhbat jarııalǵan edik.
