Elimizde 13,5 mln tonna astyq bastyryldy

ASTANA. KAZINFORM – Búgingi tańda negizgi dándi daqyldar boıynsha 9,1 mln gektardan astam dándi jáne burshaqty daqyldar jınaldy. Ortasha ónimdiligi 14,7 ts/ga bolǵan kezde 13,5 mln tonna astyq bastyryldy. Bul týraly Aýyl sharýashylyǵy mınıstrliginiń baspasóz qyzmeti habarlady. 

Máselen, bıdaı 6,8 mln ga alqapqa jınaldy, ónimdiligi 14,1 ts/ga 9,7 mln tonnaǵa jýyq, arpa – 1,5 mln ga, ónimdiligi 16,5 ts/ga 2,5 mln.tonna, suly – 133,1 myń ga, ónimdiligi 15,6 ts/ga 207 myń tonna.

Bıylǵy jyly maıly daqyldar ortasha ónimdiligi 11,0 ts/ga 136 myń ga alqaptan jınaldy, 150,3 myń tonna bastyryldy.

57,1 myń gektar alqaptan 257,5 ts/ga ónimdilik kezinde 1,5 mln tonnaǵa jýyq kartop jınaldy, kókónis daqyldary 87,7 myń gektardan jınaldy, 243,3 ts/ga ónimdilik kezinde 2,1 mln tonnadan astam jınaldy.

Baqsha daqyldary 93,5 myń ga alqaptan jınaldy, ónimdiligi 258,8 ts/ga, jalpy alym 2,4 mln tonnadan asty. 

Egin jınaý naýqanyna 149,9 myń traktor, 37,6 myń astyq jınaıtyn kombaın, 14,9 myń Oraq jáne 195 myń birlik basqa tehnıka jumyldyryldy.

Esterińizge sala keteıik, kóktemgi egis jáne egin jınaý jumystaryn jeńildetilgen qarjylandyrý kólemi 580 mlrd.teńgeni qurady, bul ótken jyldarmen salystyrǵanda 3 ese kóp.

Egin jınaý naýqanyn ótkizýdiń máseleleri erekshe baqylaýǵa alynǵan.