Elimizde 1300-den astam mektep salyndy — Juldyz Súleımenova
ASTANA. KAZINFORM — Jibek Joly telearnasyndaǵy «Búgin.LIVE» baǵdarlamasynda Oqý-aǵartý mınıstri Juldyz Súleımenova saladaǵy jetistikterdi málimdedi.
— 2019 jyly elimizdegi negizgi másele úsh aýysymdy jáne apatty jaǵdaıdaǵy mektepter bolatyn. Oqýshy ornynyń tapshylyǵy ózekti túıtkil edi. Sońǵy 7 jylda 1300-den astam jańa mektep boı kóterdi. Onyń 217-si — «Keleshek mektepteri». Bul aýyl men qala mektepteri arasyndaǵy bilim sapasynyń alshaqtyǵyn azaıtýǵa da septigin tıgizdi. Óıtkeni, balaǵa mektepte bilim alýǵa qolaıly jaǵdaıda jasalsa, onyń bilimge degen qyzyǵýshylyǵy oıanady. Bul kóptegen zertteýde dáleldengen, — dedi ol.
Sonymen birge, qazir úsh aýysymdy jáne apattyq jaǵdaıdaǵy mektepter máselesi emes, oqý baǵdarlamasynyń mazmuny, bilim sapasy basty nazarda ekenin atap ótti.
— Toqtaýsyz alǵa ketip bara jatqan álemde kóshten qalmaı, kerisinshe, alǵa shyǵatyn, ozyq, sapaly, tehnologııalyq ult bolý mindetin Memleket basshysy bizge qoıyp otyr, — dedi mınıstr.
Aıta keteıik, buǵan deıin jasandy ıntellektini mektepterge engizý qalaı iske asyp jatqanyn jazǵanbyz.
