Elimizde 1,3 myń shaqyrym temirjol salynady

ASTANA. KAZINFORM – Kólik mınıstri Marat Qarabaev Úkimet otyrysynda elde 4 iri temirjol jobasy iske asyrylatynyn aıtty.

«Eldiń kóliktik-tranzıttik áleýetin odan ári damytý úshin jalpy uzyndyǵy 1 myń 300 shaqyrym bolatyn 4 temirjol jobasy qolǵa alyndy.

«Dostyq – Moıynty» temirjol ýchaskesinde ekinshi joldardyń jáne Almaty aınalma jolynyń qurylysy jalǵasyp jatyr. Sondaı-aq «Darbaza – Maqtaaral» jáne «Baqty – Aıagóz» jelileriniń qurylysy bastaldy», - dedi Marat Qarabaev.

Mınıstrdiń aıtýynsha, bul jobalar Dostyq stantsııasynyń ótkizý qabiletin jylyna 35 mln tonnaǵa deıin ulǵaıtady.

Sondaı-aq, Almaty Ortalyq Azııa men Qytaı arasyndaǵy ınfraqurylym qabiletin 20 mln tonnaǵa deıin arttyrady.