Elimizde sheteldik ınvestıtsııa esebinen energııa saqtaıtyn nysandar salynady
ASTANA. KAZINFORM – Úkimet otyrysynda Energetıka mınıstri Erlan Aqkenjenov jańartylatyn energııany generatsııalaý baǵytyndaǵy zańnamany jetildirý kerektigin aıtty. Onyń sózinshe, bul qadam aýqymdy halyqaralyq jobalardy iske asyrý úshin qajet.
Premer-mınıstr Oljas Bektenov mınıstrden jańartylatyn energııany generatsııalaý máselesi qalaı uıymdastyrylyp jatqanyn suraǵan.
– Mınıstrlik jańartylatyn energııa kózderin damytýǵa arnalǵan zańnamaǵa tıisti ózgerister men tolyqtyrýlar ázirledi. Búgingi otyrysta sol qujattyń jobasyn daýysqa salamyz. Jalpy osy ózgerister men tolyqtyrýlar nátıjesinde 3 GVt energııa saqtaıtyn kózderdi salý jónindegi kelisimsharttarǵa otyryp, jobalardy aýktsıonǵa shyǵarýǵa múmkindik beredi. Onyń ishinde 1,1 GVt qýat kózi halyqaralyq kelisimsharttarǵa arnalǵan. Mınıstrlik osy jumys odan ári jalǵastyrady, - dedi Erlan Aqkenjenov.
Aıta keteıik, búgingi Úkimet otyrysynda elektr energetıkasy salasyn damytý men tsıfrlandyrý barysy talqylandy.