Elimizde 104 myń sharshy shaqyrym aýmaqta barlaý jumystary júrgizildi
ASTANA. KAZINFORM — 11 aı ishinde jer qoınaýyn geologııalyq barlaýǵa 55 lıtsenzııa berildi, dep habarlaıdy Geologııa komıteti.
Onyń 16-sy geologııalyq túsirý, 5-i geofızıkalyq jumystar, 34-i jer asty sýlary boıynsha.
Aımaqtyq geologııalyq barlaý júrgizý zertteletin aýmaqty 2026 jylǵa qaraı 2,2 mln sharshy kılometrge deıin ulǵaıtady. 2024 jyly jalpy barlanǵan aýmaq 104 myń sharshy kılometrdi qurady.
Bul rette 11 ýchaskede sırek jer metaldaryn anyqtaý boıynsha izdestirý jumystary aıaqtaldy.
Osy jumystardyń qorytyndysy boıynsha Qaraǵandy oblysyndaǵy Kúırektikól ýchaskesiniń perspektıvalary atap ótildi. Ýchaskeniń aldyn ala qory ónerkásipti ıgerýge qajetti shamamen 800 myń tonna shıkizatty quraıdy. Al boljamdy resýrstary – 935 myń tonna sırek jer metaldary, onyń ishinde tserıı men lantanıdter.
Qostanaı oblysynda «Aqbulaq» ýchaskesinde jumys júrgizilip, 2 altyn, 1 altyn jáne mys ýchaskesi anyqtaldy.
Áleýetti jer qoınaýyn paıdalanýshylardyń Jer qoınaýyn memlekettik geologııalyq zertteý jumystary nátıjelerine qoljetimdiligin qamtamasyz etý maqsatynda nátıjeler e.geology.kz elektrondy veb-saıtynda jarııalanady.
Jer asty sýlarynyń monıtorıngin bólek atap ótý qajet. 2024 jyly monıtorıngke 765 mln teńge bólindi. Maqsat – 4004 monıtorıngt pýnktterindegi jer asty sýlarynyń jáne qaýipti geologııalyq protsesterdiń jaı-kúıiniń sandyq jáne sapalyq kórsetkishterin alý.
Eske salsaq, budan buryn elimizde 250,6 myń gektar jer ónerkásip saldarynan búlingenin jazdyq.