Elimizde 100-ge jýyq mektep biryńǵaı dızaınmen bezendirildi
ASTANA. KAZINFORM — «Adal azamat» baǵdarlamasy sheńberinde ázirlengen biryńǵaı dızaın-kodpen 100-ge jýyq bilim ordasy jańaryp, ulttyq bolmys pen zamanaýı stıl úılesim tapty, dep habarlaıdy Oqý-aǵartý mınıstrligi.
Mınıstrlik málimetinshe, biryńǵaı dızaın-kod — tek qabyrǵalardy bezendirý úlgisi emes, tárbıeleýdiń jańa tetigi. Onda ulttyq naqyshtaǵy oıý-órnekter men zamanaýı kórkem sheshimder úılesim tapqan.
— Mektep qabyrǵalary Qazaqstan tabıǵatynyń sulýlyǵyn, tarıhı tulǵalardyń beınesin, uly oıshyldardyń qanatty sózderin beıneleıtin mýraldarmen tolyqtyrylady. Sondaı-aq, ortaq shrıft, tús jáne navıgatsııa júıesi qarastyrylyp, mektep keńistigi biryńǵaı estetıkalyq jáne tárbıelik baǵytta jańǵyrtylyp jatyr, — delingen vedomstvo habarlamasynda.
Keńistik oqýshylardyń jas ereksheligine saı jasalǵan: bastaýysh synyptarda — meıirim men patrıottyq tárbıege, orta jáne joǵary býynda — pándik tereńdik pen zertteýshilik mádenıetke basymdyq beriledi.
Jańa dızaın-kod aldymen «Keleshek mektepterde», keıin renovatsııa josparlanǵan 1300 mektepte júzege asyrylady.
Budan buryn Almatyda jekemenshik mektep lıtsenzııasyna qatysty daý týyndaǵanyn jazǵan edik.