Elimiz JI-di engizýge daıyndyq boıynsha Ortalyq Azııa elderi arasynda kósh bastap tur
ASTANA. KAZINFORM — Oxford Insights halyqaralyq taldaý ortalyǵy jarııalaǵan Government AI Readiness Index 2025 reıtınginde Qazaqstan álemniń 195 memleketi arasynda 60-orynǵa ıe bolyp, bir jyl ishinde birden 16 pozıtsııaǵa joǵarylady. Buǵan deıingi (2024 jylǵy) reıtıngte elimiz 76-orynda turǵan.
Jasandy ıntellekt jáne tsıfrlyq damý mınıstrliginiń málimetinshe óńirlik bóliniste Qazaqstan Ortalyq Azııa elderi arasynda jasandy ıntellektini engizý jáne basqarý deńgeıi boıynsha kósh bastap, «aımaqtaǵy eń damyǵan tsıfrlyq memleketterdiń biri» mártebesin rastady.
Government AI Readiness Index úkimetterdiń jasandy ıntellektini memlekettik basqarýda, ekonomıkada jáne qoǵamdyq protsesterde tıimdi qoldaný qabiletin, sondaı-aq JI-diń qaýipsiz, jaýapty jáne ornyqty damýyna jaǵdaı jasaý deńgeıin baǵalaıdy. Zertteý 195 eldi qamtıdy jáne memleketterdiń jasandy ıntellekt salasyndaǵy róline ǵana baǵyttalǵan biregeı halyqaralyq reıtıng.
Qazaqstannyń reıtıngtegi ilgerileýi ınstıtýtsıonaldyq jáne ınfraqurylymdyq bazanyń nyǵaıýyn, sondaı-aq JI-diń memlekettik sektorda belsendi engizilýin kórsetedi.
— Elimiz ásirese Public Sector Adoption baǵyty boıynsha joǵary nátıje kórsetip, 73,59 ball jınady. Bul kórsetkish memlekettik qyzmetterde tsıfrlyq sheshimderdiń keńinen qoldanylyp jatqanyn, elektrondyq úkimettiń damýyn jáne azamattar men bızneske arnalǵan servısterdiń proaktıvti formattarǵa kóshýin aıǵaqtaıdy.
Qazaqstannyń mańyzdy básekelestik artyqshylyqtarynyń biri –tsıfrlyq jáne telekommýnıkatsııalyq ınfraqurylymnyń damýy. Ol jasandy ıntellekt sheshimderin ulttyq deńgeıde aýqymdy túrde engizýge múmkindik beredi. Ulttyq tsıfrlyq platformalar, ınternettiń taralý deńgeıiniń joǵary bolýy jáne elektrondyq memlekettik qyzmetterdiń jetilgen ekojúıesi JI tehnologııalaryn odan ári damytýǵa qolaıly jaǵdaı jasaıdy, — delingen mınıstrlik habarlamasynda.
Oxford Insights esebinde Qazaqstannyń saıası áleýeti men basqarýshylyq daıyndyǵy da erekshe atap ótilgen. Strategııalyq qujattardyń bolýy, normatıvtik-quqyqtyq bazanyń qalyptasýy jáne jasandy ıntellekt taqyrybyna ınstıtýtsıonaldyq deńgeıde turaqty nazar aýdarylýy elge bul salada uzaq merzimdi ári júıeli memlekettik saıasatty júrgizýge múmkindik beredi.
2025 jyly reıtıng memlekettiń rólin keńeıtilgen turǵyda eskeretin jańartylǵan ádisteme boıynsha jasaldy. Onda strategııalyq josparlaý men retteýden bastap, JI-di memlekettik sektor men ekonomıkada praktıkalyq túrde engizýge deıingi barlyq aspekti qamtylǵan.
— Zertteý nátıjeleri aldaǵy damý baǵyttaryn da aıqyndaıdy. Qazaqstannyń JI-ekojúıesin damytýdyń kelesi kezeńi jasandy ıntellekt sheshimderin kommertsııalandyrýdy jedeldetýmen, jeke tehnologııalyq sektordy, startaptardy damytýmen, sondaı-aq bıznes úshin derekter men qarjylandyrý quraldaryna qoljetimdilikti keńeıtýmen baılanysty, — delingen habarlamada.
Jalpy alǵanda, Government AI Readiness Index 2025 nátıjeleri Qazaqstannyń jasandy ıntellektini júıeli túrde engizý jolynda senimdi túrde alǵa jyljyp kele jatqanyn rastaıdy. Aldaǵy ýaqytta memlekettik tsıfrlyq bazany naryqtyq sheshimderge aınaldyrý jáne jasandy ıntellekt tehnologııalaryn engize otyryp, turaqty ekonomıkany qalyptastyrý arqyly Qazaqstan joǵary nátıjege qol jetkize alady.
Eske salsaq Prezıdent jasandy ıntellekt tehnologııasyn EAEO qyzmetine engizýdi usynǵan edi.