Elimiz jańa munaı qoryn izdeýge qansha qarjy jumsap jatyr
ASTANA. KAZINFORM – QR Energetıka mınıstrligi resmı saýalymyzǵa joldaǵan jaýabynda sońǵy 5 jylda munaı-gaz salasyndaǵy geologııalyq barlaý jumystaryna jumsalǵan qarjy somasyn málim etti.
Geologııalyq barlaý jumystary jańa munaı-gaz qorlaryn anyqtaýǵa jáne eldiń resýrstyq bazasyn tolyqtyrýǵa baǵyttalǵan.
– Qazaqstannyń munaı-gaz sektoryndaǵy geologııalyq barlaýǵa ınvestıtsııalar kólemi sońǵy 5 jylda shamamen 600 mıllıard teńgeni qurady, - delingen jaýapta.
Mınıstrliktiń málimetinshe, jer qoınaýyn paıdalanýǵa arnalǵan barlaý kelisimsharttarynda jumystar alty jylǵa josparlanady. Osy kezeńde jer qoınaýyn paıdalanýshylar kelisimshartta kózdelgen barlaý jumystaryn júrgizedi.
Qazir jańa munaı-gaz qorlaryn izdeý tereń jatqan, tuzasty jáne az zerttelgen aýmaqtarǵa qaraı oıysyp keledi. Mundaı jerlerdi zertteý kúrdeli ári kóp qarjyny qajet etedi.
Vedomstvo dereginshe, 2026–2030 jyldarǵa arnalǵan geologııalyq barlaý baǵdarlamasy aıasynda ártúrli zertteý kezeńindegi 23 jobadan turatyn portfel jasaqtalǵan. Negizgi áleýet Kaspıı mańy basseıniniń tuzasty qabattarymen, tereń jatqan jáne paleozoı keshenderimen, sondaı-aq az zerttelgen aýmaqtarmen baılanysty.
