Elimiz ótken jyly qandaı shıkizat emes taýarlardy eksportqa shyǵardy

ASTANA. KAZINFORM – «QazTrade» saýda saıasatyn damytý ortalyǵy» AQ ótken jyly Qazaqstannyń eksportqa shyǵarǵan shıkizat emes taýarlaryn atady.

«Jalpy, organıkalyq emes hımııa ónimderiniń eksporty 4,3 mlrd AQSh dollaryn qurady. Olar: ýran (79,3 paıyz), alıýmınıı oksıdi (8,3), ınertti gaz (5,8), hrom oksıdi (3 paıyz), fosfor qyshqyly (1) jáne kardıdter (0,69)», - dep atap ótti «QazTrade» agenttik tilshisiniń saýalyna oraı. 

Ortalyq usynǵan derekke sáıkes, qara metaldar eksporty 4,1 mlrd AQSh dollary boldy. Onyń ishinde ferroqorytpalar (56,2 paıyz), ystyqtaı ılektelgen ılem (14,1), jalatpaly ılem (9,4), sýyqtaı ılektelgen ılem (8,4), bolattan jasalǵan jartylaı daıyn ónim (6,5), bolattan jasalǵan shybyq (4) bar.

Munan bólek 3,2 mlrd dollarǵa mynadaı mys jáne mys buıymdary eksportqa shyǵaryldy: mystan jasalǵan katod (98,9 paıyz), mys negizindegi lıgatýra (0,49), mys sym (0,18), mystan jasalǵan ózge de buıymdar (0,1).

Jabdyqtar men mehanıkalyq qurylǵylar eksporty 1,8 mlrd dollarǵa jetti. Olar: jylý bóletin elementter (14,1), podshıpnıkter (7,7), jol jáne qurylys tehnıkalary (4,6), qubyr jelilerine arnalǵan armatýralar (4,6). 

Sondaı-aq elimiz 1,6 mlrd dollardyń munaı ónimderin (66,2 paıyz), tabıǵı gazyn (26,3) koks pen munaı bıtýmyn (6,3) jáne basqa da mıneraldy otyn ónimderin ekportqa shyǵardy. 

Elektr mashınalary men jabdyqtar eksporty 1,2 mlrd dollarǵa jetti. Onyń ishinde trasformatorlar (9,6 paıyz), monıtorlar men proektorlar (9,2), akkýmlıatorlar (7,5), turmystyq aspaptar (4,6) bar. 

Al kúmis (58,2 paıyz), altyn (39) jáne zergerlik buıymdar (2,2), monetalar syndy baǵaly metaldar eksporty 1,1 mlrd dollar boldy.