Elimiz qaı elderge tuz eksporttaıdy
ASTANA. KAZINFORM – 2025 jylǵy qańtar-jeltoqsan aralyǵynda Qazaqstanda 415,7 myń tonna as tuzy óndirildi, bul 2024 jyldyń sáıkes kezeńimen salystyrǵanda 11,3% kóp.
Importtalǵan tuz kólemi de ósken, 2025 jyly elimizge 36,2 myń tonna tuz ákelindi, bul 2024 jylmen salystyrǵanda 13,1% artyq.
Eksportqa keletin bolsaq, esepti kezeńde Qazaqstan 251 myń tonna tuz eksporttaǵan, bul 2024 jyldyń sáıkes kezeńimen salystyrǵanda 9,7% az.
Qazaqstandyq tuzdy ımporttaıtyn negizgi elderge Reseı, Qyrǵyzstan, Ózbekstan, Ázerbaıjan, sondaı-aq Qytaı, Grýzııa, Latvııa jáne Germanııa kiredi.
2025 jyldyń 12 aıynyń qorytyndysy boıynsha ishki naryqta 200,8 myń tonna as tuzy satyldy.
Respýblıka boıynsha tuzdyń ortasha baǵasy 1 kelisine 90 teńge. Eń tómengi ortasha baǵa Qyzylordada tirkeldi – 65 teńge/kg, al eń joǵary baǵa Almaty qalasynda, munda 1 kg ónimniń ortasha baǵasy 112 teńge (2026 jylǵy qańtardaǵy jaǵdaı boıynsha).
Aıta ketelik elde 2025 jyly balmuzdaq eksporty ımporttan asyp túsken edi.