Elimiz boıynsha tuman túsedi, kóktaıǵaq bolyp, jel kúsheıedi – Qazgıdromet

ASTANA. KAZINFORM – «Qazgıdromet» RMK-sy aqpannyń 5-i kúngi kún raıy boljamyn jarııalady.

Kásiporyn taratqan derekterge qaraǵanda, soltústik antıtsıklon áli de Qazaqstannyń kóp bóligindegi aýa-raıyna yqpal etetin bolady. Sonyń saldarynan búgin el aımaqtary negizinen jaýyn-shashynsyz bolady.

Eldiń batysynda ǵana antıtsıklon frontaldy bólikterden ótip, jańbyr men qar jaýady. Qazaqstan boıynsha tuman túsip, kóktaıǵaq bolady, jel kúsheıedi, eldiń soltústik-batysynda, shyǵysynda, ortalyǵynda jaıaý burqasyn soǵady.

Osyǵan deıin elimizdiń 11 óńirinde aýa raıyna baılanysty eskertý jarııalanǵanyn habarladyq.