Elimiz boıynsha 3091 synyp qashyqtan oqýǵa kóshirilgen

ASTANA. KAZINFORM – Qazaqstanda jiti respıratorlyq vırýstyq ınfektsııa (JRVI) men tumaý boıynsha jaǵdaı qalypty. Bul týraly Sanıtarııalyq-epıdemıologııalyq baqylaý komıtetiniń bas sarapshysy Janerke Tóleýǵalıeva baıandady.

Onyń aıtýynsha, komıtet ınfektsııalar boıynsha kúndelikti monıtorıng júrgizip otyr.

– Sońǵy táýlikte JRVI juqtyrýdyń 74 myńnan astam jaǵdaıy tirkeldi. 1 qyrkúıekten beri 1 mln 731 myń jaǵdaı anyqtaldy. Bul ótken maýsymmen salystyrǵanda shamamen 5%-ǵa tómen, – dedi ol «Bugin LIVE» baǵdarlamasy barysynda. Maýsym bastalǵaly tumaýdyń 1031 zerthanalyq rastalǵan jaǵdaıy tirkelgen. Onyń ishinde H3N2 – 1028, H1N1 – 3 jaǵdaı.

Tóleýǵalıeva mektepterdiń oqý formatyna qatysty da túsinikteme berdi.

Onyń aıtýynsha, elde jappaı onlaın oqýǵa kóshý jospary joq, alaıda jaǵdaıǵa baılanysty shekteý sharalaryn qoldaný múmkindigi qarastyrylǵan.

– Eger mekteptegi jalpy aýrýshańdyq 30%-ǵa jetse, mektepte oqytý toqtatylady. Bir synypta kórsetkish 30%-dan assa, sol synyp qashyqtan oqýǵa jiberiledi, – dedi sarapshy.

Qazirgi tańda respýblıka boıynsha 3091 synyp – 30%-dan joǵary aýrýshańdyqqa baılanysty qashyqtan oqýǵa kóshirilgen. 191 synypta 30%-ǵa deıingi deńgeı tirkelgendikten, kabınettik júıe ýaqytsha alynyp, qozǵalys azaıtylǵan formatta bilim alyp jatyr.

Aıta keteıik, JRVI-diń asqynǵanyn qalaı bilýge bolatynyn jazǵan edik.

Kamıla Múlik