Elimiz bıyl 3,9 mlrd dollardyń daıyn tamaq ónimderin eksportqa shyǵarmaq

ASTANA. KAZINFORM – Elimiz bıyl 3,9 mlrd dollardyń daıyn tamaq ónimderin eksportqa shyǵarmaq. Bul týraly Úkimet otyrysynda Aýyl sharýashylyǵy mınıstri Aıdarbek Saparov aıtty.

- Qabyldanǵan júıeli sharalar qazirdiń ózinde oń ekonomıkalyq nátıje berýde. Mysaly, daıyn taǵam ónimderiniń eksporty boıynsha orta eseppen 3 esege ósti. Onyń ishinde unnan jasalǵan kondıterlik ónimderiniń eksporty – 2 esege, makaron – 1,2 esege, margarın – 3,5 esege, balmuzdaq eksporty 5,7 esege artty, - dedi mınıstr.

Sondaı-aq ol astyqty tereń óńdeý ónimderi, ıaǵnı bıoetanol, glıýten jáne krahmal eksporty da aıtarlyqtaı kóbeıgenin atap ótti.

- Bul qosylǵan quny joǵary ónimderdiń zor áleýetin aıqyn kórsetedi. Jalpy, 2020 jyldan beri qaıta óńdelgen ónim eksporty 3,2 esege ósti. Bıyl bul kórsetkishti 3,9 mlrd AQSh dollaryna deıin jetkizý josparlanýda, - dedi Aıdarbek Saparov.

Aıta keteıik, elimiz álemdik kúnbaǵys maıy eksportynda 8-orynǵa kóterilip, jasymyqtan daıyn ónim eksportqa shyǵara bastady.