Elimiz Aýǵanstan, Tájikstan men Qyrǵyzstanǵa 310 mln teńgege gýmanıtarlyq kómek kórsetti

QR Kólik mınıstrligi Aýǵanstan, Tájikstan men Qyrǵyzstanǵa 310 mlrd tonna gýmanıtarlyq kómek kórsetý jóninde qaýly shyǵardy, dep habarlaıdy Kazinform agenttigi Ashyq bıýdjet portalyna silteme jasap. 

Bıyl elimiz Tájikstan Respýblıkasyna 5000 tonna bıdaı unyn, 61,86 tonna kúnbaǵys maıy, 143,58 tonna et konservisin, 240 tonna makaron, 507,70 tonna kúrish, 92,50 tonna ekspedıtsııalyq jabdyqtar jóneltti.

Sonymen qatar tamyzda Kólik mınıstrligi Tájikstanǵa 10 dana vahtalyq konteıner qoldaý kómegin usyndy. 

Kólik mınıstrligi sondaı-aq Aýǵanstan Respýblıkasyna — 35,42 tonna dárilik zat, 21,24 tonna qurama júk, Qyrǵyz Respýblıkasyna — 1000 tonna jazdyq bıdaı tuqymyn jetkizdi.

Odan bólek 23 jeltoqsandaǵy № 1052 qaýly boıynsha Tájikstan men Aýǵanstanǵa 380,055 tonna gýmanıtarlyq kómek usynyldy.

Aıta keteıik, bıýdjet baǵdarlamasynda atalǵan úsh elge kórsetiletin kómektiń jalpy somasy — 310 mln 341,9 myń teńge dep kórsetilgen. 

Onyń ishinde 216 063 myń teńge — Aýǵanstanǵa, 16 936 myń teńge — Qyrǵyzstanǵa, 77 342,8 myń teńge — Tájikstanǵa qarastyrylǵan.