Elmizde joǵary oqý oryndaryna túsýge arnalǵan irikteý emtıhandary 20 maýsymda bastalady
ASTANA. QazAqparat - Bıyl mektep bitirýshiler Ulttyq Birińǵaı testileýdiń jańa formaty boıynsha emtıhan tapsyratyn bolady.
Endi mamandardyń aıtýyna súıinsek, UBT kezinde bolǵan qıynshylyqtar, atap aıtqanda, UQK kúzetiniń yqpalymen metall izdegishter, uıaly telefondar, shpargalka, kalkýlıator quraldaryn izdep, olardy tapqan jaǵdaıda balalardy aýdıtorııadan shyǵarý sııaqty jaǵdaılar bolmaıdy. Oqýshylar mektepte attestat alý úshin, al úzdikter "Altyn belgisin" alýǵa eshqandaı qobaljýsyz, testileý men emtıhandar tapsyratyn bolady. Sodan keıin memlekettik bilim grantyn alýǵa nıet bildirgender JOO-da alǵashqy testileý men emtıhandar tapsyrady.
UBT-nyń jańa formaty túrli memleketterdegi emtıhandardy ótkizý boıynsha halyqaralyq tájirıbelerdi taldaý nátıjesinde ázirlendi. JOO-ǵa túsý emtıhany men bitirý emtıhandary bólek ótkiziletin memleketterdiń tájirıbeleri zertteldi. Bul memleketterdiń qataryna Japonııa, Izraıl, AQSh jatady. UBT testeriniń mazmuny oqý qabiletin, logıkalyq oılaýdyń deńgeıin, bazalyq quzyretin, ıaǵnı fýnktsıonaldyq saýattylyqty anyqtaýǵa kózdelgen.
jańa formattyń taǵy bir tıimdi jaǵy - oqý saýattylyǵyna emtıhan tapsyrý. "Atalýynyń jaı bolýyna qaramastan, bul emtıhan eń mańyzdysy bolyp otyr. Ol emtıhan tapsyrýshylardyń naqty jeke múmkindikterin synı turǵydan oılaý qabiletteriniń deńgeıin anyqtaýǵa úlken múmkindik beredi. Sondaı-aq, munda tapsyrmalardy jaı jattap qana qoımaı, oılaý da, oıyn jetkize alý da, taldaı bilý de mańyzdy bolmaq.
Qazaqstan Respýblıkasy Prezıdenti Ákimshiligi basshysynyń 2016 jylyǵy 7 mamyrdaǵy № 31-38.24 buıryǵyna sáıkes UBT qorytyndysy boıynsha mektepter reıtıngi júrgizilmeıdi, nátıjeleri bilim berý monıtorıngi sheńberinde qoldanylýy múmkin.
2016 jyldyń qazan aıynan bastap, UBT jańa formaty boıynsha aqparattyq-túsindirý jumystary tolyq kólemde ótkizilýde. Bul rette, atalǵan shara boıynsha medıa-jospar ázirlengen. Mektep bitirýshilerdiń, synyp jetekshilerdiń, muǵalimderdiń, bilim basqarmalary ádiskerleriniń, ata-analar qaýymynyń, BAQ jáne jergilikti atqarýshy organdar ókilderiniń qatysýymen 53-ten astam kezdesýler men dóńgelek ústelder ótkizildi.
Mınıstrlikpen apta saıyn selektorlyq tártipte bilim basqarmalarynyń jetekshilerimen dıalog júrgiziledi, ata-analar men qalanyń mektep bitirýshilerimen kezdesýler ótkiziledi.
Sondaı-aq, UBT-nyń jańa formaty boıynsha brıfıngter ótkizildi, BAQ baspasóz qyzmetinde jáne televıdenıede túsindirme beriledi.
Test tapsyrmalaryna úsh ret saraptama júrgizildi. Barlyq tapsyrmalar testologııa talaptaryna sáıkestigine tekserildi jáne UTO-nyń bazasyna qabyldandy. «Egemen Qazaqstan» gazetinde apta saıyn test úlgileri jarııalanýda. UTO saıtynda ádistemelik nusqaýlyqtarmen qatar test tapsyrmalary qosymsha jarııalanǵan.
UBT uıymdastyrý jáne ótkizý boıynsha birqatar máseleler bar. Olar:
Birinshiden, keıbir bitirýshiler men olardyń ata-analarynyń oıynsha UBT men qorytyndy attestattaýdy tapsyrý eki ese júkteme bolyp tabylady, sebebi UBT-men qatar qorytyndy attestattaýǵa da daıyndalý qajet;
Ekinshiden, test tapsyrmalarynyń saraptamasy men olardyń aprobatsııasy Ulttyq testileý ortalyǵymen birneshe ret ótkizilýine qaramastan, qate suraqtardyń bolýy kúmán týdyrady;
Úshinshiden, bitirýshilerdiń qatysýyn uıymdastyrý, ásirese shalǵaı eldi-mekenderden kelgen mektep túlekteriniń qaýipsizdigin, testileý kezindegi psıhologııalyq qoldaýdyń kórsetilýin, sondaı-aq olardy tamaqtandyrý jáne ornalastyrýdy qamtamasyz etý.
Aıta keteıik, UBT-dan ótýge ótinish qabyldaý 10 mamyrda aıaqtalady. Testýleý 20 mýsym men 1 shilde aralyǵynda ótedi.
