Elmıra Tólegenovanyń isi qylmystyq iske aýysýy múmkin
ASTANA. KAZINFORM – Astanadaǵy mamandandyrylǵan aýdanaralyq ákimshilik sotynda bloger Elmıra Tólegenovaǵa qatysty ákimshilik is qaralyp jatyr.
Sot otyrysynda Týrızm jáne sport mınıstrligine qarasty Lotereıa jáne oıyn bıznesin retteý komıtetiniń ókili Abdel Baltategı sóz sóıledi.
Onyń aıtýynsha, Tólegenovaǵa qatysty ÁQBtK-niń 445-1-baby boıynsha ákimshilik is júrgizýdi toqtatyp, materıaldardy sotqa deıingi tergep-tekserý organdaryna joldaý qajet ekenin aıtty.
– Blogerdiń áreketterinde qylmystyq sıpattaǵy belgiler bar, – dedi komıtet ókili.
Ol naqtylaı kele, Elmıra Tolegenovanyń áreketterinen QR Qylmystyq kodeksiniń 214-baby («Zańsyz kásipkerlik») jáne 190-baby («Alaıaqtyq») boıynsha quqyqbuzýshylyq belgileri baıqalatynyn atap ótti.
Sot protsesi jalǵasýda. Іs boıynsha túpkilikti sheshim keıinirek shyǵarylady.
Eske salaıyq, buǵan deıin Tolegenova men onyń jubaıy Erbolat Janabylov zańsyz lotereıa oıynyn uıymdastyrdy degen kúdikpen ákimshilik jaýapkershilikke tartylǵan bolatyn.
Qos blogerdiń paraqshalarynda aqsha, avtokólik jáne ózge de qundy syılyqtar oınatylǵan.