Elmıra Tólegenova men Erbolat Janabylovqa qatysty is Ekonomıkalyq tergep-tekserý departamentine berildi
ASTANA. KAZINFORM – Astanadaǵy mamandandyrylǵan aýdanaralyq ákimshilik sotynda blogerler Elmıra Tólegenova men Erbolat Janabylovqa qatysty ákimshilik quqyqbuzýshylyq isi qaraldy. Іs materıaldary qylmystyq quqyqbuzýshylyq belgileriniń bolýyna baılanysty Ekonomıkalyq tergep-tekserý departamentine joldandy.
Sot qaýlysynda ákimshilik is óndirisi qylmystyq qýdalaý sheńberinde qaralýy tıis degen negizben toqtatylǵany aıtylǵan.
– «Jeke kásipker «Eler» atynan áreket etken Janabylov Erbolat Nurlybekulyna qatysty is materıaldaryn Astana qalasy boıynsha Ekonomıkalyq tergep-tekserý departamentine joldaý týraly qaýly etti, – dedi sýdıa Aqerke Bekturǵanova.
Sot sondaı-aq Erbolat Janabylovtyń jubaıy – bloger Elmıra Tólegenovaǵa qatysty da dál osyndaı sheshim qabyldady. Onyń is materıaldary Qarjylyq monıtorıng agenttiginiń Ekonomıkalyq tergep-tekserý departamentine joldanady.
Eske sala ketsek, Erbolat Janabylov pen Elmıra Tólegenovanyń áreketin Týrızm jáne sport mınıstrligi nazaryna alǵan bolatyn. Blogerler Instagram jelisinde 11 avtokólikti oınatatynyn habarlaǵan edi.