Elmıra Syzdyqova kúresten Azıadanyń kúmis júldesin ıelendi
ASTANA. KAZINFORM – Japonııanyń Aıchı prefektýrasy men Nagoıa qalasynda ótip jatqan jazǵy Azııa oıyndarynda kúres túrlerinen kezekti jarys kúni aıaqtaldy, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Rıo Olımpıadasynyń qola júldegeri, 76 kelidegi Elmıra Syzdyqova óz mansabynda alǵash ret Azıadanyń fınalyna shyǵyp, Parıj Olımpıadasynyń chempıony, álem chempıony ıÝka Kagamıge (Japonııa) qarsy kúresti. Nátıjesinde beldesý 1:5 esebimen qarsylastyń paıdasyna sheshildi.
Búgingi jarys barysynda jerlesimiz Davaanasan Enh-Amardy (Mońǵolııa) 4:1 jáne Venjı Lıdi (Qytaı) 9:8 esebimen jeńgen bolatyn.
Aıta keteıik, Elmıra Syzdyqova óz mansabynda 2018 jyly Azıadanyń qola júldesin enshilegen.
Buǵan deıin jazǵy Azııa oıyndarynda fınalǵa deıin jetken arýlarymyz:
🥇2010 jyl. 🇰🇿 Elena Shalygına (63 keli)
🥈2022 jyl. 🇰🇿 Jámıla Baqbergenova (76 keli)
🥈2018 jyl. 🇰🇿 Juldyz Eshımova (53 keli)
🥈2014 jyl. 🇰🇿 Gýzel Manıýrova (75 keli)
🥈2006 jyl. 🇰🇿 Olga Smırnova (55 keli)
Aıta keteıik, 3 qazan kúni Tokıodaǵy Equestrian Park kesheninde Azııa oıyndary aıasyndaǵy at sportynan eń tartysty básekelerdiń biri – konkýrdan jekeleı birinshiliktiń (Jumping Ind A) birinshi raýndy bastalady. Bul synda qurlyqtyń eń myqty shabandozdarymen qatar Qazaqstan namysyn 4 sportshy qorǵaıdy.
