Elmıra Syzdyqova kúresten Azıadanyń fınalyna shyqty
ASTANA. KAZINFORM - Japonııanyń Aıchı prefektýrasy men Nagoıa qalasynda ótip jatqan jazǵy Azııa oıyndarynda kúres túrlerinen jarys jalǵasyp jatyr, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
76 kelidegi Elmıra Syzdyqova jartylaı fınalda Ventszı Lımen (Qytaı) tartysty beldesý ótkizip, 9:8 esebimen basym tústi. Ol fınalda jarys qojaıyny ıÝka Kagamımen altyn júldeni sarapqa salady.
Erler arasynda 125 kelide tanylyp úlgergen Edige Qasymbek 1/2 fınalda 3 dúrkin álem chempıony, 2 márte Olımpıada júldegeri Amır Hosseın Zaremen (Iran) laıyqty kúresip, 3:3 esebimen teń tústi.
Biraq sońǵy nátıjeli ádisti jasaǵany úshin qarsylas jeńimpaz retinde tanyldy.
50 kelidegi Zeınep Baıanova 1/2 fınalda osy salmaqtyń basty favorıti, Tokıo Olımpıadasynyń chempıony, 4 dúrkin álem chempıony ıÝı Sýsakıǵa (Japonııa) 0:4 esebimen jol berdi.
Fınaldyq kezeń Astana ýaqytymen 14:00-de ótedi.
Osyǵan deıin Zeınep Baıanovanyń jartylaı fınalǵa joldama alǵany týraly jazdyq.
