Elmır Álimjanov semserlesýden Azııa oıyndarynyń qola medalin ıelendi
Qazaqstan quramasynyń ókili Elmır Álimjanov semserlesýden 2022 jylǵy Azııa oıyndarynyń qola júldesin jeńip aldy. QazAqparat bul týraly Ulttyq olımpıada komıtetine silteme jasap habarlaıdy.
Álimjanov Hanchjoýda ótip jatqan týrnırdiń ½ fınalyna deıin jetti. Bul jetistigi onyń qanjyǵasyna qola medaldi baılady.
Otandasymyz jartylaı fınalda Japonııa ókili Kokı Kanodan jeńilip qaldy.
Qazaqstan qorjynynda qazir toǵyz medal bar ekenin aıta keteıik. Buǵan deıin dzıýdoshy Ábıba Ábýjaqynova men oq atýdan komanda músheleri ekinshi oryn ıelendi. Dzıýdoshylar Maǵjan Shamshadın, Abylaıhan Jubanazar, Nurlyhan Sharhan, Esmıgúl Kýıýlova, mergen Nıkıta Chırıýkın, pnevmatıkalyq vıntovkadan oq atý boıynsha Aleksandra Le men Islam Satpaev qola júldeni qanjyǵasyna baılady.
