Elime altyn syılaǵym-aq kelgen, sońǵy sátte jaýapkershilik júgi jeńip ketti — Jadyraev
ASTANA. KAZINFORM — Parıj Olımpıadasynyń kúmis júldegeri Demeý Jadyraev fınaldaǵy beldesýden keıin Kazinform tilshisine suhbat berdi.
«Daıyndyǵym joǵary deńgeıde boldy. Biraq fınalda utylǵannan keıin azdaǵan ókinish bolady eken. Fınaldyń aldynda úlken jaýapkershilik sezindim, sol jeńip ketti. Áıtpese daıyndyǵym óte jaqsy bolatyn. Qaı jerden qate jibergenimdi bilý úshin keıin beldesýdi qaıta qarap shyǵýym kerek. Sodan keıin birdeńe aıta alamyn. Elime altyn syılaǵym-aq kelgen, biraq kúmiske qol sozdyq. Keshege deıin mundaı jaýapkershilik, tolqý bolǵan joq edi. Fınalda sol basym bolyp ketti. Kúmis qutty bolsyn! Qalǵan jigitter tek altyn alsyn dep tileımin!» — dedi Demeý Jadyraev marapattaý rásiminen keıin.
Aıta keteıik, Demeý Jadyraev fınalda japonııalyq Nao Kýsakadan 5:2 esebimen utylyp, Parıj Olımpıadasynyń kúmis júldesin qanaǵat tutty.
Grek-rım kúresinen ulttyq quramanyń bas bapkeri ıÝrıı Melnıchenko jarystan keıin Demeý Jadyraevtyń fınaldaǵy beldesýi jaıynda pikir bildirdi.
Onyń aıtýynsha, Jadyraevqa azdaǵan eptilik jetpeı qaldy.
