«Elimaı» jáne «Astana» Konferentsııa lıgasy alǵashqy kezeńinde kimdermen oınaıdy
ASTANA. KAZINFORM - Fýtboldan 2026/2027 jylǵy maýsymdaǵy UEFA Konferentsııa lıgasy alǵashqy irikteý kezeńindegi qazaqstandyq «Elimaı» jáne «Astana» klýbtarynyń qarsylastary anyqtaldy.
Semeılik jarystyń bul kezeńinde Armenııanyń «Alashkert» klýbymen sheberlik baıqasady.
Al «Astananyń» alǵashqy qarsylasy - Albanııanyń «Dınamo Sıtı» komandasy.
Alǵashqy oıyn 9 shildede ótse, qarymta kezdesý 16 shildege belgilengen.
Aıta ketsek, «Elimaı» eýrokýbok oıyndarynda tuńǵysh ret baq synaısa, «Astana» budan buryn Chempıondar, Eýropa jáne Konferentsııa lıgalarynda Qazaqstan namysyn qorǵady.
Eýrokýbok oıyndarynda toptyq kezeńge deıin jetti.
Qostanaılyq «Tobyl» eýrojoryǵyn Konferentsııa lıgasy ekinshi irikteý kezeńinen bastaıdy.
Sondaı-aq búgin fýtboldan 2026/2027 jylǵy maýsymdaǵy UEFA Chempıondar lıgasy alǵashqy irikteý kezeńindegi almatylyq «Qaırattyń» qarsylasy anyqtaldy.
Qazaqstandyq komanda jarystyń bul satysynda Chernogorııanyń «Sýteska» klýbymen sheberlik baıqasady.
Chempıondar lıgasynda alǵashqy kezeń 7-8 jáne 14-15 shilde kúnderi bolady.
Aıta ketsek, almatylyq klýb ótken maýsymda negizgi kezeńde Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2, Grekııanyń «Olımpıakosyna» 0:1, Danııanyń «Kopengagenine» 2:3, Belgııanyń «Brıýggesiine» 1:4, Anglııanyń «Arsenalyna» 2:3 esebimen jol berse, Kıprdiń «Pafosymen» 0:0 esebimen teń tústi.
