«Elimaı» fýtbol klýbyna jańa bapker taǵaıyndaldy

ASTANA. KAZINFORM — Shotlandııalyq maman Pıter Leven «Elimaı» fýtbolynyń bas bapkeri boldy.

a
Foto: Vıdeodan skrın

«Elimaı» fýtbol klýbynyń baspasóz qyzmetinen málim etkenindeı, Pıter Makdonald Leven 1983 jyly 27 qyrkúıekte Glazgo qalasynda dúnıege kelgen. 
P.Leven jattyqtyrýshy retinde biraz tabysqa qol jetkizgen. Ol 2025 jyly Shotlandııa kýbogyn jeńip alǵan «Aberdın» klýbynyń bapkerlik shtabynda boldy. Úsh ret bas bapker mindetin atqardy.

Odan buryn, 2022 jyly Reseı Premer-lıgasyna joldama alǵan «Orenbýrg» klýbynda chehııalyq maman Martsel Lıchkaǵa kómektesti. Sondaı-aq «Dınamo» (Brest) quramynda jumys istegen kezinde klýb 2018 jyly Belarýs kýbogyna ıe boldy. 2019 jyly atalmysh komanda chempıon atansa, 2019 jáne 2020 jyldary sýperkýbokqa qol jetkizdi.

Leven — «Reındjers» akademııasynyń túlegi. Sportshy mansabynda 300-den astam match ótkizip, «Kılmarnok», «Glazgo Reındjers» jáne Shotlandııa jastar quramasy sapynda óner kórsetti.

Buǵan deıin «Elimaı» klýbyn baptaǵan qazaqstandyq maman Andreı Karpovıch qazan aıynyń aıaǵynda qyzmetinen ketken edi. Semeılik komanda 2026 jylǵy maýsymda 45 upaı jınap, altynshy oryndy qanaǵat tutty. 

Eske sala keteıik, budan buryn fýtboldan Qazaqstan quramasy elordada Slovakııamen teń oınaǵanyn jazǵan edik.