Ellıson álemdik mıllıarderler tiziminde 2-orynǵa kóterildi

ASTANA. KAZINFORM – Amerıkalyq Oracle kompanııasynyń negizin qalaýshylardyń biri, 80 jastaǵy Larrı Ellıson Mark Tsýkerbergti (Meta) basyp ozyp, álemdegi mıllıarderler tiziminde ekinshi orynǵa kóterildi, dep habarlaıdy Bloomberg.

Ellısonnyń baılyǵy 251,2 mıllıard dollarǵa baǵalanǵan. Al Tesla-nyń bas dırektory Ilon Mask 358 mıllıard dollar baılyǵymen birinshi orynda tur.

Larrı Ellısonnyń mıllıarderler tizimine kóterilýi jasandy ıntellekt tehnologııalarynyń tanymaldylyǵynyń artýyna baılanysty bolyp tur. Oracle aktsııalary «jasandy ıntellekt qumarlyǵynyń» negizgi benefıtsıarlarynyń birine aınaldy jáne olardyń quny úsh esege jýyq ósti. Keıingi aılarda Oracle bultty esepteýler boıynsha iri kelisimsharttardy qamtamasyz etti. Onyń negizgi tutynýshylarynyń biri OpenAI boldy.

Ellıson Oracle aktsııalarynyń shamamen 35,4%-yn ıelenedi. Sonymen qatar ol 2018 jyly Tesla-nyń 3 mıllıon aktsııasyn satyp alyp, kompanııadaǵy úlesin 2020 jyly 2%-ǵa jetkizdi. Ol 2018 jyly kompanııanyń dırektorlar keńesine taǵaıyndaldy. 

Eske sala keteıik, Shvetsııa jahandyq dollarlyq mıllıonerler reıtınginde pozıtsııasyn joǵaltyp keledi.