Elızaveta Sınelnıkova djıý-djıtsýdan álem chempıony atandy
KÓKShETAÝ. QazAqparat – Aqmolalyq sportshy qyz Elızaveta Sınelnıkova Grekııa elinde ótken djıý-djıtsýdan álem chempıonatynda jeńiske jetti, dep habarlaıdy QazAqparat tilshisi.
Aqmola oblystyq deneshynyqtyrý jáne sport basqarmasynyń málimetinshe, Grekııanyń Krıt aralynda jasóspirimder arasynda djıý-djıtsýdan álem chempıonaty ótti. Jarysqa álemniń 22 elinen 600 jýyq sportshy qatysty.
«Elızaveta osy sport túrinen joǵary jetistikke qol jetkizip otyrǵan tuńǵysh aqmolalyq qyz. Jerlesimiz 48 keli salmaqta synǵa tústi. Ol djıý-djıtsýdyń «Nevaza» túri boıynsha tórt kezdesý ótkizip, onyń barlyǵynda jeńiske jetti», - deıdi vedomstvonyń baspasóz hatshysy Mahabbat Bolshına.
Aıta keteıik, Elızaveta bapkerleri Kırıll ıAkımovıch jáne Erjan Qasenovtyń jetekshiligimen jattyǵady.
Jalpy, komandalyq esepte Qazaqstan quramasynyń enshisinde 5 altyn, 1 kúmis jáne 1 qola júlde bar.
